خلاص يعني ..!

الإثنين يونيو 15, 2009 6:04 pm

خلاص يعني كل شَيّ انتهى وراح ..
خلاص يعني مـا بقينـا حبايـب

يعني وعودك كلها كانـت مْـزاح ..
والاّ انت ما لك في المحبّه رغايب

وين العهود ووين لحظات الافراح ..
يعني تلاشت مع هبوب الهبايـب

القلب بعدك من له اليـوم يرتـاح ..
من بعد ما هو في محبّتْـك ذايـب

ياما على شانك تحمّلت الاجـراح..
وياما جروحي من صدودك عطايب

سرقتني عن جملة الناس يا صاح ..
والفكر عنـدك ماخذنّـه نهايـب

خِلّك يحبّك يا بَعَدْ سِيْـد المْـلاح ..
إن رحت عنّه راودنّـه مصايـب

خَلّك معه دام الهوى حيل نضّـاح ..
والواش رِدّه يا هوى البال خايـب